Type Here to Get Search Results !

कारंजा लाड येथे ‘मत वाचवा, देश वाचवा, लोकशाही वाचवा’ जनजागृती कार्यक्रम !

 






कारंजा लाड येथे 'मत वाचवा, देश वाचवा, लोकशाही वाचवा' जनजागृती अभियान संपन्न

वाशिम जिल्ह्यामधील कारंजा लाड येथे अखिल भारतीय काँग्रेस कमिटीच्या वतीने लोकशाहीच्या संवर्धनासाठी एक महत्त्वपूर्ण जनजागृती अभियान राबविण्यात आले. 'मत वाचवा, देश वाचवा, लोकशाही वाचवा' या मुख्य नारा देत आयोजित करण्यात आलेल्या या कार्यक्रमात नागरिकांपर्यंत थेट जाऊन संविधानाने दिलेल्या मतदानाच्या अधिकाराचे महत्त्व पटवून देण्यात आले.


कारंजा येथील गजबजलेल्या आठवडी बाजाराच्या दिवशी हे विशेष अभियान हाती घेण्यात आले. बाजारात खरेदीसाठी आलेल्या सर्वसामान्य नागरिकांपर्यंत, युवकांपर्यंत आणि महिलांपर्यंत पोहोचून काँग्रेस पक्षाच्या वतीने विशेष पत्रके (पापलेट) वाटण्यात आली. या पत्रकांच्या माध्यमातून देशातील सद्यस्थिती, लोकशाही मूल्यांचे जतन करण्याचे आव्हान आणि नागरिकांचे एक मत कसे देशहिताचे रक्षण करू शकते, याबाबत सविस्तर माहिती देण्यात आली.


या जनजागृती अभियानाचे नेतृत्व कारंजा शहर काँग्रेसचे अध्यक्ष (अब्दुल राजिक) यांनी केले. त्यांच्या मार्गदर्शनाखाली काँग्रेस पक्षाचे सर्व कार्यकर्ते या अभियानात सक्रियपणे सहभागी झाले होते. आठवडी बाजारात फिरून प्रत्येक नागरिकाशी संवाद साधत त्यांनी मतदानाची टक्केवारी वाढवण्याचे आणि देशाची लोकशाही टिकवण्यासाठी जागरूक राहण्याचे आवाहन केले. उपस्थित नागरिकांनीही या अभियानाला सकारात्मक प्रतिसाद दिला.


या उपक्रमामुळे कारंजा शहरात राजकीय आणि सामाजिक पातळीवर चर्चेला उधाण आले असून, नागरिकांमध्ये मतदानाबाबतची जाणीवजागृती निर्माण करण्यासाठी अशा मोहिमांची गरज असल्याचे उपस्थितांनी यावेळी बोलून दाखवले. लोकशाही जिवंत ठेवण्यासाठी प्रत्येक नागरिकाने आपले कर्तव्य बजावणे किती आवश्यक आहे, याचा संदेश या अभियानाद्वारे देण्यात आला. उपस्थित असलेले काँग्रेस कार्यकर्ते पदाधिकारी 

 कारंजाचे जेष्ठ नेते अरविंद जी लाठिया कारंजा लाड शहर कांग्रेस कमीटीचे अध्यक्ष अब्दुल राजीक शेख, सेवादल काँग्रेस काँग्रेसचे तालुका अध्यक्ष विजय भाऊ कडु सेवादल काँग्रेसचे शहर अध्यक्ष,प्रदीप वानखाडे, नीलू भाऊ गजभिये अल्पसंख्य विभागचे शहर अध्यक्ष असलम खान, दिलिप पाटिल रोकड़े समीर भाई, राहिल खान, अल्ताफ गरवे

Post a Comment

0 Comments